Ӱгренҷiлерге «Пушкинская карта» программадаңар чоохтап пиргеннер
18.09.2021
Хабарлар
В.Г.Чаптыковтың адынаң Хакас филармониязының администраторы, «Ӱлгер» ансамбльның директоры Саяна Майнагашева Н.Ф.Катановтың адынаң Хакас национальнай гимназияның ӱгренҷiлерiн «Пушкинская карта» тиксi Россиядағы программанаң таныстырған.
«Пушкинская карта» проект культура мероприятиелерiн чииттер аразында тарадарға кӧрiл парған. 14-22 частығ чииттер, культура учреждениелерiнзер чӧрiп, мероприятиелер ӱчӱн Пушкинскай картанаң тӧлирге оңдайлығлар. Ол картада 3000 салковай полар.
Программаның кӧстее – ӧсчеткен тӧлнiң культура синiн кӧдiрерi паза культура учреждениелерiнзер кӧп кiзiнi тартары.
Амғы тусха проектке В.Г.Чаптыковтың адынаң Хакас филармониязы, "Нымах" Хакас национальнай кӧклӧ театры, М.Ю.Лермонтовтың адынаң республиканың орыс драма театры, Л.Р.Кызласовтың адынаң Хакас национальнай чир-суу музейi хозылдылар.
Пушкинскай картаҷа кiрер мероприятиелер афишазы «Культура РФ» порталда сығарылды, ол сыбыра алғыдылар.
Пӱӱнгi кӱнге картаны ӱс оңдайнаң сығарып аларға чарир:
- «Госуслуги. Культура» приложение пастыра;
- «Почта Банк онлайн» пастыра;
- «Почта Банк» АО-ның пӧлиинде.
Пушкинскай карта алып алар ӱчӱн, чиит кiзiлерге Госуслуги порталында санға турыбызарға паза «Госуслуги. Культура» мобильнай приложение турғызып аларға кирек. Картаны виртуальнай оңдайнаң алай пластик картазы оңдайынаң сығарыбызарға чарир. Аны Почта Банктың пӧлиинде алып алар оңдай пар.
Картаны пӱӱн чарыс айының 1 кӱнiнең сығара алып аларға чарир. Аны сығарыбызарға паспорт паза СНИЛС киректелче.
Пушкинскай картазар посха ахча сал полбас – ахчаны хазна ыс турар. 3000 салковайны чыл тоозылғанҷа хорадыбызарға чарир полар, 2022 чылда картазар 5000 салковай кiрер. Хорадылбаан ахча пазағы чылға парбас.
Автор :
Марина Сергеева
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы