Санитарно-эпидемиологическай оңдайлар нымзадылча
18.09.2021
Хабарлар
Хакасия пазы Валентин Коновалов идiнҷектерге кирiлген оңдайларны нымзадардаңар чарадығда хол салыбысхан. Ӱртӱн айының 18-ҷi кӱнiнең сығара физкультура паза спорт мероприятиелерiн спортзалларда кӧрiгҷiлер кӧзiне иртiрерге чарир. Кӧрiгҷiлер аразында 1,5 метр поларға орыннар 50 %-ке ле толарға паза полған на 3 час дезинфекция иртiрерге кирек.
Ӏдӧк мероприятиелернi библиотекаларда, музейлерде, культура паза искусство учреждениелерiнде иртiрерге чарир. Кӧрiгҷiлер залы 75 %-тең артых полбазын.
Чон азыранчатхан организацияларға, хайзыларына ӧме иммунитедi паспорты пирiлген, хараа-кӱнӧрте тоғынарға чарир. Че аалҷылар саны тимненiс паспортында таныхталған санның 75 %-iнең аспазын. Ағбандағы, Харатастағы паза Саяногорсктағы кинотеатрлар залларын паза фитнес кiннернi iдӧк 75 %-ке толдырарға чарир. Оларның iдӧк ӧме иммунитедiнiң паспорты поларға кирек.
Юридическай лицо алай идiнҷек ӧме иммунитедiнiң паспортын прай кирек пiчiктерiнең хада пос устаныс органынзар алай профильнай министерствозар ызыбысча. Пасхазынаң кирiлген оңдайлар алыспааннар паза чарыс айының 17-ҷi кӱнiне теере узарадылча.
Автор :
Тимнеен Антон Чертыков
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы