ІӋЕ-ПАБАЗЫНЫҢ ЧАСКАЗЫ
06.10.2021
Статья
Пӱӱн хоосчы хызыҷахнаң танызып аларбыс. Виктория Чистанова 11 частығ, 4 класста ӱгренче. Амыр хылыхтығ, хыйға хызыҷах Орджоникидзе аймаандағы Копьевта чуртапча. Ол аалдағы Чайаачы олғаннар кінінзер хоостирға чӧрче.
Викаҷах чахсы хоостапча. Хызыҷах палығастарны, хузыҷахтарны, чир-чайаанны ӧкер хоостап пілче. Ол ӱгретчізі Галина Михайловна Комарованың устаанынаң пу искусствонаң ікінҷі чылы айғас парир. Хызыҷах аймахтағы марығларда паза кӧзідіглерде сыбыра араласча, чиңісчі полыбысча. Аның ады даа англия тілінең «чиңіс» тіп тілбестелче. Пала живописьнең айғасчатханына іҷе-пабазы тың ӧрінче.
Виканың пабазы Виктор Сергеевич Орджоникидзе аймаандағы прокурорның орынҷызы полча. Тоғыс соонаң хызыҷаанаң чайаачы киректернең айғазарға хынча. Іҷезі Регина Андриановна Боград аймаандағы ӱгредіг управлениезінде ӧӧн бухгалтернің орынҷызы полча, ідӧк иркеҷеене хайығ кӧп салча.
Хызыҷах, іҷезіне полызып, иб аразында хайын чӧрче. Ол іҷезінің чахсы полысчызы полча. Школада даа чахсы хаалағлар аларға кӱстенче. Ӱгретчізі Викаҷахты махтапча, ол чуртазында пӧзік чидіглерге чидер тіпче. Анзы андағ ла ползын, чахсы кізінің чуртас чолы чарых ӧңнернең салыларға кирек. Хызыҷахтың чайаачызы улам тилізін, пасхазына кӧзідім ползын.
Хоос чайиры паланы салааҷахтарынаң оох ниме-ноонаң айғазарға ӱгретче паза сағызын чахсы тилітче. Хоостапчатхан олған пір орында одырарға кӧнікче. Ағаа хоза, пала, ибіркідегі сілігні кӧріп, аны чаҷынға хобыр полча. Ӱгретчі хоостирға кӱстенчеткен ӱгренҷіні махтаза, паланың чахсы ниме итчең кӧңні кӧдірілче, андада ол сала сидік тоғыстар идерге чапсынча, позының алнында улуғ пӧгіннер турғысча. Аннаңар хоостиры палаа тилирге полысча. Пістің матырыбыс Викаңах Чистанова, кічігдең сығара позының хынған киреен таап, орта чол таллап алған. Аның чуртазы сіліг хоостары осхас чарых ползын! «Хола пырғыҷахтың» хығырығҷыларын наа чайаачы тоғыстарынаң сыбыра хайхатсын!
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде