Ööн пöгiн - чуғынӌахтың тарапчатханын тохтадары
29.10.2021
Хабарлар
Хакасияда халғанӌы суткада коронавируснаң хоза 213 кiзi ағырыбысхан. Пу пандемия тузында иң не улуғ сан полча. 195 кiзi имнег тураларынзар чатырылған, ағырығдаң 10 кiзi ӱреен. Пӱӱл ӱрееннернiң тиксi саны - 957 кiзi. Имненчеткеннернiң тиксi саны - 7502 кiзi, оларның 5858-зi ибде имненче. Ағырчатханнарнаң пiр чирде полған 4735 кiзi имӌiлер хайиинда тудылча.
Коронавируснаң ағырчатханнарны имнирiне пӱӱн республикада 1849 орын пар, 205-зi ле (11%) пос турча. Кислородтығ 836 орғанның 140-ы (17%) хуруғ турча. Суткада кислород 11 тонна хорадылча. ИВЛ-да - 88 кiзi.
Республиканың хазых хайраллаӌаң министерствозының танығларынаң, орған чыындызынаң Саяногорскта сидiксiнiс пар, 99%-нде пациенттернi имнепчелер. Анаң оларны Пиидегi имнег туразынзар читiре имненерге ысчалар, анда оларға 25 орған öнетiн кöрiл парған. Орғаннар саны позырахха теере 1900 пол парар. Пу тынағ кӱннерiнде "ковид" пöлии республиканың имнег туразында азылар (алында ол олған корпузы полған). Анда коронавирустаң палаларны имнирлер.
Коронавирустаң тоғыр прививканы халғанӌы кӱннерде 2-лер муң кiзi турғыстырча. Вакцинаның 1-ғы дозазы 196696 кiзее турғызылған, 2-зi - 158250 кiзее. Ағбанда ам прививка турғысчаң 11 пункт тоғынча. Пу кӱнге грипптең прививка олғаннарның 55 %-iне, улуғларның 38 %-iне турғызылған.
Хакасияның ööн имӌiзi искiрген, пу кӱскӱде грипп пастағызын на сығыс килдi.
Карантин режимiне республикада чуртағӌылар паза идiнӌектер, организациялар хайди тудынчатханнарын 2 кӱн изере сыныхтады 160 мобильнай группа. Олар 737 объекттi сыныхтааннар, ööнiнде профилактика оңдайынаң иртiрiлген.
Iдöк 60 час ас алтабысхан кiзiлернi сыныхтааннар, хайзылары, ибде одырбин, сайбағ иткеннер. Салтарында административнай сайбағлардаңар 52 протокол пазылған. Сыныхтағлар аннаң андар кӱннiң апарылар.
Автор :
Инора Боргоякова
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы