Ағбан - Кöк хайа чол тыхтал парир
01.11.2021
Хабарлар
Чолӌылар Ағбан - Кöк хайа автомобиль чолның кизегiн тыхтап парирлар.
2019 чылның от айында пу чол республиканың холына пирiлген. Ол тустаң сығара Хакасияның транспорт паза чол хонии министерствозы чолны тыхтир сурығнаң айғас сыххан. Чолның асфальты тың изел сыххан паза пазыл парған, анзы чир алтындағы суғлар ахчатханынаң палғалыстығ. Чолӌылар, пу чолны тиксi тыхтап, иң пастап чирiн алып, суғны ағыстырӌаң хутухтар турғыс салғаннар, сай урыбысханнар паза наа асфальт тöзебiскеннер. Республиканың транспорт паза чол хонии министерствозы искiриинең, ööн тоғыстар азынада толдырыл парғаннар.
- Кiчiг хырлас айының 8-ӌi кӱнiнде, регионда сидiк эпидемия киреенең палғалыстығ хатығластар суурыл парған соонда, чолны азары пöгiнде турча, - тееннер Хакасияның транспорт паза чол хонии министерствозында.
Автор :
Тимнеен Оксана Челтыгмашева
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы