12 кізі ӱреен
04.11.2021
Хабарлар
Хакасияда COVID-19 ағырығны хаптырған он ікі кізінің ӱреені киречілелген.
55, 61, 63, 72, 74, 86 частығ ипчілер паза 62, 66, 74, 75, 77, 83 частығ иреннер ӱреен. Чыл пасталғаннаң республикада пу ағырығдаң тиксі 1001 кізі ӱреді.
Пӱӱн Хакасияда «коронавирус» диагнозтығ 449 кізі имненіп алған.
4 ноябрьда наа чуғынӌах ағырығны 235 кізі хаптырып алған, ол санда: Ағбанда – 75, Саяногорскта – 35, Харатаста паза Ағбан пилтірі аймаанда - 31-ер, Алтай аймаанда - 14, Асхыс аймаанда – 10, Абазада паза Пии аймаанда - 7-лер, Сорығда паза Боград аймаанда - 6-лар, Таштып паза Шира аймахтарында - 5-ер, Орджоникидзе аймаанда – 2 паза Хызылчар крайынаң - 1.
Кискектеп, имнег туразынзар 99 кізі айланғанда паза 20 кізі пневмонияа сыныхтанғанда, коронавирусты хаптырғаны сығысхан. Ибдегілердең 67 кізі чухтырған, тоғыста - 34 кізі. Кöрілген сыныхтағ тузында 3 кізінің ағырчатханы таныхталған паза 7 кізінің - позы сыныхтанғанда. Россияның пасха субъекттерінең паза хырығ озаринаң ағырығны 5 кізі ағылған.
Чыл пасталғаннаң Хакасияда COVID-19 ағырығны 27141 кізі хаптырған. Ағырығның тарапчатхан сині - 1,2.
Пӱӱнгі кӱнде ағырғаннарнаң хада палғалысхан 4834 кізі имӌілер хайиинда. 7673 кізі ибде имненче, имнег тураларында - 1600, ол санда ИВЛ аппарадынаң 23 тынча.
Автор :
Наталья Субракова
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы