ӰС РЕГИОННЫҢ КӰЗІ ПАСХА ХАН ЧИРІНДЕГІЛЕРГЕ КӦЗІДІЛДІ
17.11.2021
Хабарлар
Кӧзідіг. Ирткен неделяда Хакасия пазы Валентин Коноваловтың устаанынаң республика правительствозының кізілері Россияның пасха хан киректерінҷе министерствозында (МИД) Кимдегі Сибирьнің кӧзідиинде араласханнар
«КИМДЕГІ СИБИРЬ» - ОЛ КИЛКІМ ИНВЕСТИЦИЯ ПРОЕКТІ, 2017 ЧЫЛДА ӰС РЕГИОННАҢ ПӰТКЕН: ХЫЗЫЛЧАР КРАЙЫНАҢ, ХАКАС РЕСПУБЛИКАДАҢ ПАЗА ТЫВА РЕСПУБЛИКАДАҢ.
КИЛКІМ ИНВЕСТИЦИЯ ПРОЕКТІ ПУ РЕГИОННАРНЫҢ ЧУРТАС-ЭКОНОМИКАЗЫН КӦДІРЕРІНЕ КӦСТЕЛГЕН. ОЛ, РОССИЯ СИНІНДЕ ЧАРАДЫЛЫП, ИНВЕСТИЦИЯ ПРОЕКТТЕРІН ЧУРТАСХА КИРЕРІНЕ ХАБАСЧА. ТИКСІ АЛЗА, «КИМДЕГІ СИБИРЬ» ХООСТЫРА ӰС РЕГИОННАҢ 32 ИНВЕСТИЦИЯ ПРОЕКТІН ЧУРТАСХА КИРЕРІ ХАЗНА СИНІНДЕ ЧАРАДЫЛ ПАРҒАН, ОЛ САНДА ХАКАСИЯНЫҢ 11 ПРОЕКТІ.
МИД ПАЗА «КИМДЕГІ СИБИРЬНІҢ ТИЛІС КОРПОРАЦИЯЗЫ» ПІРІГІС, ХАДА-ПІРГЕ ТОҒЫС АПАРЫП, ПАСХА ХАН ЧИРІНІҢ РОССИЯДАҒЫ ДИПЛОМАТТАРЫНА КИЛКІМ ИНВЕСТИЦИЯ ПРОЕКТІНІҢ КӦЗІДИИН ТИМНЕЕН. ӰС РЕГИОННЫҢ ЭКОНОМИКАЗЫНЫҢ ТИЛІС ОҢДАЙЛАРЫ ЧАРЫДЫЛҒАН ПАЗА КУЛЬТУРАЗЫ КӦЗІДІЛГЕН. КӦЗІДІГДЕ ІДӦК ХЫЗЫЛЧАР КРАЙЫНЫҢ ГУБЕРНАТОРЫ АЛЕКСАНДР УСС ПАЗА ТЫВА РЕСПУБЛИКАНЫҢ ПАЗЫ ВЛАДИСЛАВ ХОВАЛЫГ АРАЛАСХАННАР. КӦЗІДІГ АЛНЫНДА РЕГИОН УСТАҒҶЫЛАРЫНАҢ ХАДА РОССИЯНЫҢ МИД МИНИСТРІ СЕРГЕЙ ЛАВРОВ ТОҒАСХАН.
- Пасха хан чирінің дипломатическай представительстволары устағҷыларына Кимдегі Сибирьнің кӧзідиинде тоғазығ ирткен, - пасча Валентин Коновалов социальнай сетьтердегі страницазында. - Чоохтазығда ӧӧн хайығ Хакасияда туризм кӧстеенің паза тастындағы экономика палғалыстарының тилізіне айландырылған. Пістің республика чоннар аразындағы мероприятиелер иртірерге чахсы орынға саналча. Тастындағы экономика палғалыстарын тилідер кӧстегнең Хакасияда Экспорттың хабазығ кіні азылған. Аның пӧгіні - пос киреенең айғасчатханнарны чоннар аразындағы рыноктарзар сығарары. Пӱӱнгі кӱнге Казахстанның, Азербайджанның Японияның, Монголияның паза Вьетнамның идінҷектерінең палғалыс пар.
Хакасияа Россия МИД-ының хабазии уғаа кирек, ӧӧнінде пасха хан чирінің идінчектернің республиказар чорыхтарын тимнирінҷе, олар орындағы ӱлгӱ органнарынаң паза пос киреенең айғасчатханнарнаң хада чӧптескен ӱчӱн. Сергей Викторович ідӧк Хакасияны МИД-тың хырығ озариндағы культура проекттеріне кирердеңер сурығны пӧгерге хабазарға тимде.
Кӧзідіг Россия МИД-ының культура кінінің сценазында ирткен. Аның официальнай чардығын Сергей Лавров асхан.
Ол кӧзідіг араласчыларын проекттің синіне паза инвестицияларға пайына, регионнарның экономика оңдайларына, ідӧк чир-чайаан паза культура ис-пайына хайығ айландырған. Министр регионнарның хырығ озариндағы партнерларнаң палғалыстарны тилідерінҷе, тасгындағы палғалыстарны алғыдарынҷа кӱстенізін, Россия МИД-ының паза аның субъекттердегі представительстволарының пу сурығларны пӧгеріне хозымнарын таныхтаан.
Хакасиядаңар, аның экономикадағы, туризмдегі паза культурадағы кӱстіг сариларынаң республика пазы Валентин Коновалов таныстырған. Ол «Кимдегі Сибирь» инвестиция проектінңе республикада чуртасха кирілчеткен 11 проекттеңер искірген. Оларның инвестиция паазы - 293 миллиард салковай. Проекттер чуртасха толдыразынаң кирілген соонаң республикада 7000 наа тоғыс орны тӧстелер. Инвестиция проекттерінің ӧӧн экономика кӧстеглері: аныпчатхан паза тимнепчеткен промышленность, транспорт инфраструктуразы.
Аннаң пасха, регионда ӧӧн экономика кӧстеглеріне кірчеткен отрасльҷа 18 инвестиция чӧбі тимнелген, ол санда металлургияда, промышленностьта, искірігліг технологияларда паза аал хониинда. Тиксі алза, оларны чуртасха киреріне 70 миллиард салковай инвестиция киректелер.
- Хакасия, позының саринаң пасха хан чирінең аалҷыларны хаҷан даа ӧрініснең удурлапча. Ол кӧстеге пістің чоннар аразындағы аэропорт, хынығ экскурсия программалары, ол санда чон чуртазынаң палғалыстығ паза пай археология ис-пайы пар. Піс сервисті чахсыландырарынҷа паза турист инфраструктуразының синін ӧскірерінҷе ӧткін тоғынчабыс, - таныхтаан Хакасия пазы Валентин Коновалов. - Хакасияны чоннар аразында паза хазна синінде піліп алғаны пу тоғыстың салтары полча. TourDom.ru ӧӧн турист порталы республикабысты туристтерге иң килістіре оңдайлығ 3-топ регион санына кирген.
Мероприятиеде тӧстелген наа палғалысгар Хакасиязар инвестицияларны тартарға, ідӧк ниме-нооны чоннар аразындағы рыноктарзар сығарарға полызар. Валентин Коновалов Сергей Лавровты паза Россия МИД-ы представительствозын Хакасияа, «Кимдегі Сибирь» инвестиция проектінің партнерлары-на хайығ айландырған ӱчӱн алғызын читірген паза респуб-ликазар «Сибирь. Притяже-ние-2022» чоннар аразындағы форумда аралазарға хығырған. Форумны 2022 чылның хосхар айының 27 - 29-ҷы кӱннерінде иртірері кӧрілче.
Хакасияның культура ис-пайын кӧзідерінде республиканың саблығ ырҷылары, чайаачы ӧмелері араласханнар. Ол санда республика филармониязының солисттері Артур Марлужоков, Александра Черпакова, Юрий Шалгынов, «Алтыр» мода театрының абахай хыстары паза «Кӱн сузы» ансамбльның теелбекчілері полғаннар. Тимненіснең устаан Хакасияның культура министрі Светлана Окольникова.
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы