ТЭЦ ТОҒЫЗЫ ПАЗА РАДИОЛОГИЯ КОРПУЗЫНЫҢ ПӰДІРИИ СЫНЫХТАЛҒАН
24.11.2021
Хабарлар
Тоғыс чорығы. Хакасияда Россия президентінің Сибирьдегі федеральнай округча полномочиеліг кізізі Анатолий Серышев тоғыс чорығынаң полған
РОССИЯ ПРЕЗИДЕНТІНІҢ СИБИРЬДЕГІ ФЕДЕРАЛЬНАЙ ОКРУГЧА ПОЛНОМОЧИЕЛІГ КІЗІЗІ АНАТОЛИЙ СЕРЫШЕВ, ХАКАСИЯДА ТОҒЫС ЧОРЫҒЫНАҢ ПОЛЫП, АҒБАНДАҒЫ ТЭЦ-та ПАЗА НАА ПӰДІРІЛЧЕТКЕН РАДИОЛОГИЯ КОРПУЗЫНДА ПОЛҒАН.
Анатолий Серышев, округтың регионнары чылығ пирӌең тусты хайди иртчеткеннерін сыныхтап, Ағбандағы ТЭЦ-тың тоғызынаң танысхан. Предприятие Ағбан городтағы тураларның 90%-іне чылығ читірче. Пӱӱнгі кӱнде ТЭЦ ідӧк Харатастағы чылығ пирӌең системаны позына піріктірче. Городта халғанӌы чылларда чылығ пирерінең сидіксіністер пар. Соонаң ідӧк Ағбан пилтірі поселоктың чылығ пирӌең системазы пу ТЭЦ-ха піріктірілер.
Чылығ пирӌең предприятие кӱскӱ-хысхызын ӱзігі чох тоғынар ӱчӱн тиксі тоғыстар толдырылған, тимненіс паспорты алылған. Хара тас чыындызы кӧрілген синні ӱс хати асча.
Хазна пазының полномочиеліг кізізі республиканың онкология диспансеріне хоза пӱдірілчеткен радиология корпузында тоғыстарны сыныхтаан. Пӱдіріг «Хазых хайраллиры» нацпроекттің «Онкология ағырығларынаң кӱрезіг» федеральнай проектче турғызылча. Ол тӱрчедең тимге сых парарға кирек.
Пӱӱнгі кӱнде радиология корпузында істіндегі пӱдіріг тоғыстары толдырылча, маммограф паза диагностикаа рентген комплексі турғызылған. Ідӧк пӧзік технологиялығ пасха оборудование турғызыларға тимнелче: компьютер томографтары, рентгено-терапевт аппарады, магнит-резонанс томогравы паза линиядағы ускорительлер.
Автор :
Тимнеен Наталья СУБРАКОВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы