ЧИР-СУУМ
22.12.2021
Статья
Тахпах
Ойығлығ торғы чайғандағ
Ойлары сіліг чиріҷеем,
Олған-узағы кӧзінең
Олғала яхсы чоныҷам.
Хызыл ла торғы чайғандағ
Хырлары сіліг чиріҷеем,
Хыстар-ооллар кӧзінең
Харағы сіліг чоныҷаам.
Туйғағы хатығ чылғыҷаам
Тігірттең чирні тітіредер,
Тиріглер тутхан алыптар
Тигірні чахсы хадарар.
Сарғала киліп, таң атса,
Сағыла киле кӱн сығар.
Сағынып алып ырлазам,
Саблығ Мария полғайбын.
Кӧгере киліп, таң атса,
Кӧстеле киле кӱн сығар.
Кӧлбеңнеп чӧре кӧглезем,
Кӧгҷіл Мария полғайбын.
Айас тигірнің паарында
Ала хусхунах учухсын,
Адаӌаам чирі хаӌан даа
Амыр хоныхта чуртазын.
Мария БАЙДОШЕВА,
8 класс, Тоғыр чул аал
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы