«КӰН САРЫҒ ХАН» - ТУРЦИЯДА
20.01.2022
Хабарлар
Наа книга. Хакас чонның алыптығ нымағы чылына чарыдып, пылтыр Турцияда «Кӱн Сарығ Хан» книга чарыхха сыххан
Алты муңҷа строкалығ алыптығ нымахты тӱрк тіліне тілбестееннер. Шаманизмні істесчеткен чоннар аразындағы кіннің ректоры, социология докторы Тимур Давлетов паза аның хонғаны Каппадокийскай университеттің ассистент-профессоры, тюркология докторы Нюкхет Окутан Давлетова.
«Кӱн Сарығ Хан» нымах пастап «Ах сарааттығ Кӱн Сарығ» адалған. Аны филология наукаларының кандидады Валентина Майногашева илбек хакас нымахчы Обдодаң (Евдокия Кулагашева) пазып алған.
Книга тӱрк паза хакас тіллерінең чарыхха сыхты. 1970 чылларда нымахтың ӱзігі «Ленин чолы» газетада сығарылған.
290 страницалығ наа книга Анкарадағы тӱрк культуразын істесчең институтта тимнелген. Аның тастын хакас хоосчы Саян (Алексей) Топоевтің хоозы чазапча. Ол алып хыстаңар графиканы книга сығарчатханнарға сыйлап пирген. Хооста хыс хакас кӧг тириин, хомысты, оң холында тутча. Книганың кистін Тимур Давлетов тимнеен. Ол алыптығ нымахты чатханнаң ысчатхан хакас хайҷыны кӧзіт салған. Нымахчының алтында пурунғы тӱрк алфавидінең «Кӱн Сарығ» пазыл парған.
Автор :
Тимур ДАВЛЕТОВ
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы