Республика кӱнінең, аарлығ чир-суғҷыларыбыс!
01.07.2022
Хабарлар
3 июльда - Хакас Республика кӱні
Аарлығ чир-суғӌылар! Хакасияның Правительствозы паза Ӧӧркі Чӧбі адынаң алғыстапчабыс сірерні пістің республикабыстың тӧреен кӱнінең!
3 июльда 1991 чылда РСФСР-ның Ӧӧркі Чӧбі чарадиинаң Хакас автоном облазы Хакас Советскай Социалистическай Республикаа айландырылған, хайзы соонаң Хакас Республика тіп адал сыххан.
Пу пайрамнығ кӱн хаӌан даа пістің кӧп нациялығ чоныбысты, Хакасияның паза Россияның патриоттарын, паза прайзын, кем пу культура-тархын ис-пайлығ, сіліг чир-чайааннығ паза экономика саринаң ӧзер оңдайлығ чирде чуртапча, піріктір турзын.
Прай тустарда Хакасияның ӧӧн ис-пайы кізілер полӌаң паза полча. Республиканың тӧреен кӱнінде алынӌа алғыс сӧстерін читірчебіс пістің аарлығ ветераннарыбысха, хайзылары Хакасияның тилізіне улуғ хозым ит салғаннар, паза прайзына, кем сірер тӧстеен иң чахсы істеніс кибірлерін пӱӱн узарат парча.
Часка, хазых паза чахсы чуртас алғапчабыс!
В.О.КОНОВАЛОВ, Хакасияның пазы - Хакасияның Правительство кнезі
В.Н.ШТЫГАШЕВ, Хакасияның Ӧӧркі Чӧп кнезі
3 июльда — ГИБДД кӱні
Чол чӧрізін хорғыс чох идер хазна инспекциязының аарлығ тоғынӌылары паза ветераннары!
Хакасияның Правительствозы паза Ӧӧркі Чӧбі алғыстапчалар сірерні профессия ӱлӱкӱнінең - Россия Федерациязының МВД ГИБДД кӱнінең!
Сірер, майығыс пілбин, пістің региондағы чолларда дежурство апарчазар, транспорт чӧрізі тохтағ чох парарына паза саайлар санын хызырарына прай ниме итчезер, хыйалға кір парған чол чӧрізі араласчыларынзар иң пурнада полызыға килчезер.
Турғызылған пӧгіннерні толдырары полған на ГИБДД тоғынӌызынаң пӧзік пілістіг, службазына сын, махачы паза сыдамах полғанын кирексіпче. Киртінчебіс, сірер чол чӧрізі араласчыларының праволарын ізестіг арачылир паза Хакасия чуртағӌыларының чуртазын хорғыс чох идер тоғызыңарны ідӧк чахсы узарадарзар.
Алынӌа алғыс сӧстерін Хазна автоинспекциязы ветераннарына читірчебіс. Сірернің кӧбізі пӱӱн дее тоғынча, чиит тӧлге пілісті читіріп.
Пик хазых, чахсы чуртас паза наа чидіглер алғапчабыс!
В.О.КОНОВАЛОВ, Хакасияның пазы - Хакасияның Правительство кнезі
В.Н.ШТЫГАШЕВ, Хакасияның Ӧӧркі Чӧп кнезі
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде