Ах чарыхтаң Юрий Мохов парыбысты
01.07.2022
Хабарлар
Ағаа 60 час полған. Ол чуртазының 30 азыра чылын имнег киреене пир салған.
1988 чылда Юрий Георгиевич, Хызылчардағы имнег институдын тоозып, тiс имӌiзiнiң специальнозын алып алған. 1988-1989 чылларда Харатас городтағы ööн имнег туразында специальнозы хоостыра интернатура ирткен. Анаң 2019 чылға теере Таштып аймаандағы Мадыр аалдағы имнег туразында стоматолог-терапевт полған.
2019 чылның июль айында аны Таштып аймааның ööн имнег туразының ööн имӌiзi тоғызын толдырарға турғызыбысханнар, пiр чыл пазынаң, тiзең, ол ööн имӌi полыбысхан.
Юрий Георгиевич тоғызына уғаа нандырығлығ хайӌаң, пациенттерiне хаӌан даа паарсаӌаң, хада тоғынған арғыстары аны тың улуғлаӌаңнар.
Юрий Мохов iдöк полған на сай узын тилiтчең, аймах конференцияларда тöремiл араласчаң, халых чуртастаң даа хыйа турбаӌаң.
Чахсы тоғызы ӱчӱн Юрий Георгиевич Мохов Хакасияның хазых хайраллаӌаң министерствозының паза Таштып аймааның ööн имнег туразының Аарластығ пiчiктерiн алған.
Хакасияның хазых хайраллаӌаң министерствозы, Таштып аймааның ööн имнег туразының öмезi паза пасха аймах-городтардағы имӌiлер аның туған-чағыннарынаң хада чобалчалар.
Юрий Моховты халғанӌы чолына 2 июльда 11.00 часта Таштып аймааның ööн имнег туразының административнай корпузы хыринаң ӱдезерлер.
Автор :
Хакасияның хазых хайраллаӌаң министерствозы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы