Хакасия чуртағӌылары нацизмнең тоғыр!
04.07.2022
Хабарлар
Позырах хараазын Украина войсколары Курск паза Белгород областьтарының чон чуртапчатхан кварталларны атхлааннар. Олаңай чуртағӌылар чуртазы ӱзiлген, онарлап тура сайбалған. Пу кирек хоостыра Хакасия пазы Валентин Коноваловтың видео-искіриин пирчебіс:
- Піс іле оңарчабыс, пӱӱн нацизм öмезіне тоғыр турчабыс. Піс пілчебіс, Бандераның паза Шухевичтің кистілерінде Западтың ол öмезі турча, хайзы сынында нацизмні тöрітче. Кидеркі хазналар, пос кирексіністеріне тудынып, аймах чоннарны ыырластырарын узаратчалар. Тилекейде пазын кöдірчеткен нацизм позын аймах саринаң кöзітче, че прай ла хаалағларында аның кöдіре тудынчаң сағыс-кöрізі кöрінче. Экономикада ол хатығластарӌа пілдірче, искіріглерде - тайма чоохтар сығарғанында, сын киректі тоңхар азырғанында. Чаада — аны апарарға чарадылбинчатхан оңдайларда, олаңай чонны атхлаанында. Піс анзын Югославияда, Афганистанда, Ливияда, Иракта, Сирияда кöргебіс, амды Украинада кöрчебіс. Прай ол киректер хорылыстығ паза кізідең тоғыр иділчелер. Запад аның ӱчӱн тиксі тилекей чоны алнында öменең нандырарға кирек. Хакасияның чуртағӌылары нацизмнең кизе тоғыр. Республикада ынағ паза чöптіг пір чӱс азыра аймах чон чуртапча. Піс тиң, сын паза ырыстығ оңдайлар ӱчӱн. Піс харындас Донецк паза Луганск Чон Республикаларына, Украинаның олаңай чонына полысчабыс, Россияның атыртхан регионнарында ӱреге кіргеннерге полызарға хаӌан даа тимдебіс.
Хакасияның прай чуртағӌыларының паза позымның адынаң Украинаның чаалығ пірігістері атхан сылтаанда ӱрееннернің туған-чағыннарының чобалынаң ӱлесчебіс. Бандераның паза нацизмнің кізідең тоғыр сағыс-кöрістерінің тилекей таниин кöдірчеткеннерге Россияның нандырии пар. Пӱӱн піс хазнабыстың кирексіністерін не арачылабинчабыс - піс прай чир ӱстӱнің иптіг чардығының пос чуртазын арачылапчабыс.
Пілчем, нацизм чох иділерге кирек паза чох иділер! Чиңіс чон ынархазы, сын кöңні паза сын саринда полар!
Чиңіс пісти полар!
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде