ЧИР-СУҒҶЫБЫС – ЧИҢIСЧI
05.08.2022
Хабарлар
Моол чирiндегi олаңай кӱреснең айғасчатхан ипчiлернiң «Тугс» спорт клубы чоннар аразындағы марығ иртiрген. Анда Россияның пiрiктiрiлген командазы араласхан.
Iди чир-суғҷыбыс Наталья Малышева чоннар аразындағы арға-мӧрiйде позының кӧдiрiмiнде прайзын хыра утхан, алтын медальға турысхан. Наталья 53 кг кӧдiрiмде чиңiс тутхан.
Россияның пiрiктiрiлген командазындағы Ксения Буракова 72 кг кӧдiрiмде алтын медальға турысхан. 55 кг кӧдiрiмде Екатерина Полещук, 57 кг кӧдiрiмде Ирина Ологонова, 65 кг кӧдiрiмде Ульяна Тукуренова iкiнҷi орында пол парғаннар. 53 кг кӧдiрiмде Лейла Карымова паза 65 кг кӧдiрiмде Анастасия Парохина хола медальнаң таныхталғаннар.
Автор :
Валерия Тамбовцева
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы