Хакасияның пазы Москвада РЖД-ның устағ-пастаанаң хара тас тартар сурығҷа тоғасты
Хакасияның пазы Валентин Коновалов Москвада РЖД-ның ӧӧн директор орынҷызы Алексей Шилонаң тоғасты.
Регион пазы пу тусха теере кӧдiрiлбеен сурыға теелген: Хакасияда, пасха даа регионнарда аныпчатхан хара тасты хазнабыстың iскеркi саринзар тудығ чох апарардаңар сурығ кӧдiрген. Анзы Украинада ӧнетiн операция пасталған хоостыра Евросоюз хара тасты кидеркi хазналарзар тартпастаңар чарадығ алыбысхан сылтаанда пол парған. Олох арада iскеркi регионнарҷа иртчеткен тимiр чолларҷа кӧп cоставтар пар полбинчалар.
– РЖД-ның устағ-пастаа пiстiң cидiксiнiзiбiстi чахсы оңарча, удур парарға тимде. Аннаңар iскеркi cаринзар парчатхан составтарның саны иргi оңдайда халардаңар, олох арада хазнабыстың кидеркi саринзар поездтернi позыт турардаңар чӧптезiг идiлген, – искiрген Хакасияның пазы тоғазығ соонда.
Валентин Коновалов РЖД-ның ӧӧн директор орынҷызы Алексей Шилоны сидiк сурығны килiстiре пӧгiбiзерге хабасхан ӱчӱн алғыстаан. Пу сурығны пӧгерiнде республика пазы паза даа пасха устағҷыларнаң тоғасхан.
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |