Украинада ӧнетін чаа операциязының араласчызы Юрий Тинников чат халған: республика пазы туған-чағыннарына хада чобалчатханын читірче.

Пу чағында Ағбанзар 33 частығ чааҷы Юрий Тинниковтың сӧӧгін читірерлер. Ол Украинаны неонацисттердең позыдар ӧнетін операцияның араласчызы полған. Юрий Юрьевич капитан званиеліг, ракеталарны тартчаң транспорт взводының командирі полған. Службазын Забайкальскай крайда ирткен.

15 августта пістің чир-суғҷыбыс матырлар ӧлімінең чат халған. Махачызы ӱчӱн Юрий Тинников ӱреен соонаң хазна сыйиина турысхан – Мужество орденіне.

Хакасия пазы Валентин Коновалов чааҷының туған-чағыннарына хада чобалчатханын читірче:

«Юрийнің туған-чағыннарынаң хада чобалчабыс. Ол матыр чіли чат халған, чуртазын амыр чуртасты арачылап пир салған. Ағаа хаҷанға даа сабланыс паза хумартхылас!»