Туризм. Хакасия Россияның туризмҷе федеральнай агентствозы иртірген марығда чиңісчілер санында пол парған

Ростуризм 2023 чылда туризмҷе проекттерге гранттарнаң хабазарына 48 регионны таллап алған. 2023 чылда 1 муң артиинаң проектке 5,3 миллиард салковай позыдарға пӧгінчелер. 44 регион талайлар, ағын суғлар паза кӧллер хыриндағы пляж орыннарын, национальнай турист чолларын тӧстиріне паза тилідеріне тиксі 3,1 миллиард салковайға гранттығ полызығ алар. Ол ахча 375 проект аразында ӱлестірілер. Хакасия – ол 44 регионның санында. Хакасиядаң пасха ол гранттығ хабазыға Сибирьдегі мындағ регионнар турысханнар: Алтай паза Тыва республикалары, Хызылчар крайы, Томск, Кемеров областьтары паза Бурятия.

Пу марығ «Туризм паза аалҷыларны удурлаҷаң индустрия» нацпроектсер кірчеткен «Туризм инфраструктуразын тилідері» федеральнай проектті чуртасха кирері хоостыра иртірілче.

– Тиксі піссер 82 регионнаң 231 айланыстығ пічік кірген. Таллалған регионнарда гранттығ хабазыға турысчаң проекттерні табарына марығлар 2023 чылда иртер, – искірче Россияның туризмҷе федеральнай агентствозы.