Прай пӧгіннер толдырылар
Айланыс. Хакасия пазы Валентин Коновалов социальнай сетьтерде мобилизация сурии хоостыра республика чуртағҷыларына айланызын сығарыбысхан
Республика пазы мындағ сӧстернең айланған:
«Хакасияның аарлығ чуртағҷылары!
Президенттің указы хоостыра 21 сентябрьдаң Россияда чардыхти мобилизация иртірері чарлалған.
Пістің республика ӧӧркі главнокомандующай турғысхан прай пӧгіннерні толдырыбызар, хайди оларны ӧнетін чаа операциязының пастағы кӱннерінең сығара толдырған. Піс гуманитарнай полызығ пирчебіс, военкоматтарға, чааҷы частьтарына аймах-пасха сурығларҷа, ол санда пос кӧңнінең парчатханнарның мобилизациязын иртірерінҷе, прай саринаң хабасчабыс, Чир-суубыстың национальнай безопаснозын арачылирынҷа пасха даа сурығларны пӧкчебіс.
Таныхтирбын, регионның экономиказы, социальнай сферазы мының алнындағыох режимде тоғынар. Піс пӱдірерін, иптирін, ӱгредерін паза имнирін – пістің тиліс стратегиязын чуртасха кирерін – узарадарбыс, республика чуртағҷыларына социальнай полызығлар пирерін прай толдырарбыс.
Кидеркі хазналарның империалисттері Россияны абылирға кӱстенчелер, аннаңар піс амды улам пірге поларға кирекпіс, экономика даа паза политика даа саринаң.
Прай кӱстерні піріктіріп, піс неонацизмні паза бандеровщинаны чиңербіс. Сынға тудынғаны паза тархындағы сын – пістің сарибыста. Киртінчем, олар хайди даа утарлар. Чиңіс пісти полар!»
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |