ІҶЕМ – МИНІҢ ИҢ ААРЛЫҒ КІЗІМ
Полған на кiзiнiң чуртазында iҷе иң аарлығ паза чағын полча. Iҷедең чуртас пасталча. Ол паланы ӧскiрче, ӱгретче, аның ӱчӱн сағыссырапча. Чуртаста орта чолға кӧстепче, чӧптепче. Iҷедеңер поэттер паза писательлер кибелiстер паза чоохтар пасчалар, сарыннар сарнапчалар, ағаа хайхапчалар паза поғдархапчалар.
Минiң iҷемнiң ады – Ирина Григорьевна Билтрекова. Пiстi, палаларны, хырыспин, пабамнаң хада иптеп ӧскiр парчалар. Сӧбiреде 5 пала: улуғ харындастарым пос алынҷа чуртапчалар, мин 8 класста ӱгренчем.
Пiстiң чон ӧкiс палаларны, сӧбiрелерiне алып, ӧскiрiп алҷаңнар. Аннаңар, хаҷан пабамның чееннерi ӧкiс халғаннар, iҷе-пабам, пiр дее iкiнҷiлебин, оларны постарының сӧбiрезiнзер алып алғаннар. Амды минiң оол туңмаларым 6 класста ӱгренчелер. Iҷемнiң паарсах чӱреенiң iзии прайзына читче. Iҷем – ачых-чарых, амыр хылыхтығ, кӱлӱк, минiң иң аарлығ кiзiм.
Iҷе ӱлӱкӱнiнең синi, iҷеҷеем, алғыстапчам. Хаҷан даа часкалығ пол, хазығың пик, чазың узах ползын. Пiс прайзыбыс сағаа хынчабыс, синi хаҷан даа ӧрiндiрербiс паза аарлирбыс.
Алиса Билтрекова
8 класс
Пуланнығ кӧл аал
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |