Кӱн сурии. Хакасияда транспортха техосмотр иртірген ӱчӱн Россияда чарадылчатхан синнең иң асхынах тӧлег сині алылған

Хакасия правительствозы респуб­ликадағы транспортха техническай сыныхтағ иртірген ӱчӱн 2023 чылға тӧлег синін турғызардаңар чарадығ алыбысхан. Федеральнай за­конодательство чаратчатхан тӧлег си­нінең Хакасияда иң асхынах тӧлег сині алылған.

– 2019 чылдаң сығара Хакасияда тех­осмотр ӱчӱн тӧлег алыспаан. Че амды пааларның хырығларын санаxаң наа методика алылған, ол пааларның иң асхынах синін кӧзітче. Піс Россияның ФАС-ынзар пааларны иргі синде артызар алай турғызылған синнең тӧбін алар чӧпнең айланғабыс. Пааларны паза тарифтерні кӧдірбезi – регион пазы Валентин Коноваловтың хатығ кӧрізі. Че хайди піске нандырғаннар, пааларны алылған синнең тӧбін турғысханы закон сайбаанына саналар, – искірген Хакасияның госкомтарифэнерго кнезі Манук Данданян.

Россияда ниикке чӧрxең постың автомобильлеріне алай мотоциклле­ріне хайди даа техосмотр иртірері чох иділген. Амды техосмотр иртірер­ге киректелче: тӧрт чылдаң иргi машинаның ээзі алысчатса алай аның пӱдізіне алызығлар кирілчетсе. Iдӧк техосмотр иртерге кирек служебнай автомобильлерге паза пассажирлерні тартарға тузаланылчатхан транспортха. Андағ оңдайнаң, техосмотр иртері пір хати толдырылчатхан кирек полча.

1 январьдаң Хакасияда транспортты сыныхтаан ӱчӱн мындағ тӧлеглер сині турғызылған:

– мототранспортха – 321 салковай;

– 8 пассажир орнына теере ниикке чӧрxең автомобильлерге – 913 салковай;

– 8 пассажир орнының азыра, кӧдірімі 5 тоннаа теере ниикке чӧрxең автомобильлерге – 1563 салковай;

– одырxаң 8 орыннаң азыра, кӧ­дірімі 5 тоннадаң азыра ниикке чӧр­xең автомобильлерге – 1888 салковай;

– 3,5 тоннаа теере кӧдірімніг таарлағ тартчаң машиналарға – 999 салковай;

– 3,5 – 12 тонна теере кӧдірімніг таарлағ тартчаң машиналарға – 1821 салковай;

– 12 тонна азыра кӧдірімніг таарлағ тартчаң машиналарға – 1966 салковай.

Ӧнетін транспортха хайдағ паалар турғызылғанын піліп аларға чарир чарадыға приложениеде, ол Хакасияның хазна ӱлгӱзінің толдырығлығ органна­рының официальнай порталында сы­ғарылған.

Россиядағы регионнарның кӧбізі мындағох тӧлег синін алған. Че нин­xе-де регионда тӧлег кӧдіре. Iди, кӧ­зідімге, Мурманск облазында ниикке чӧрxең автомобильлерге – 1004 салковай, Амур облазында – 1409 салковай.

Монополиядаң тоғыр федеральнай службаның приказы хоостыра тех­осмотр ӱчӱн иң асхынах паалар ниикке чӧрxең автомобильлерге 913 салковайдаң тӧбін полбасха кирек, 321 салковайдаң – мотоцикллерге, 1560 – 1880 салковайдаң – автобустарға, 900 – 1960 салковайдаң – таарлағ тартчаң машиналарға. Автомобильлерге тех­осмотр иртірген ӱчӱн нааxылалған тарифтерні регионнарға 20 декабрьға теере турғыс саларға киректелген.

сом орыны