Хакасияда имнег тоғынҷыларын тимнепчелер
Хакасияда имҷілерні паза ортын имнег тоғынҷыларын Ағбанда Н.Ф.Катановтың адынаң Хакас хазна университедіндегі медико-психолого-социальнай институтта (МПСИ) паза имнег колледжінде тимнепчелер. Хайди чоохтапча МПСИ-ның директор орынҷызы, имнег наукаларының кандидады Ольга Хабарова, институтта алты чыл ӱгренчелер. Анаң ординатурада ӱгредіглерін узаратчалар. Анда олар ікі чыл піліс алчалар.
- Таныхтирға кирек, медико-психолого -социальнай институтта тӧрт кӧстегҷе ӱгреніп аларға чарир: терапия, акушерство паза гинекология, анестезиология-реаниматология, хирургия. Че пасха специальность аларға сағынчатхан студенттер СФО-дағы пӧзік ӱгредіг учреждениелерінзер ӱгренерге парчалар, - чооғында таныхтаан ол.
Н.Ф.Катановтың адынаң Хакас хазна университедіндегі МПСИ-да чыл сай 50 бюджет орны пирілче. Оларның чарымы кӧстегліг оңдайҷа ӱгренчеткен студенттерге, хайзылары Хакасияның хазых хайраллаҷаң министерствозынаң чӧптезіг итчелер.
Ортын имнег тоғынҷыларын Ағбандағы имнег колледжінде мындағ специальностьтарҷа тимнепчелер: сестринское дело (квалификация - медицинская сестра), фармация (квалификация - фармацевт), лечебное дело (квалификация - фельдшер), стоматология ортопедическая (квалификация - зубной техник). Анаң олар МПСИ-зар алай ба пасха регионнардағы пӧзік ӱгредіг учреждениелерінзер ӱгренерге парчалар.
Пу ӱгредіг учреждениелерінзер ӱгренерге кірерге сағынчатхан чииттерге хазна сыныхтағлары соонаң пічіктерін пу адресче ағыларға кирек: Ағбан г., Хакасскай орама, 68.
Оксана Сунчугашева
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |