Фестиваль. Хакас драма театры «Ах иб» фестивальны азар

Республикада 20 – 23 апрельде иртер «Ах иб» театрларның VІІ фестивальында А.М.Топановтың адынаң Хакас драма театры ікі ойын кӧзідер.

Іди фестиваль 20 апрельде 18.30 часта «Алтын Арығ» алыптығ нымахха тӧстене пазылған Татьяна Майнагашеваның «Хуу инейнің тӧллері» спектакльынаң (12+) азылар. Ол хакас тілінең парча, синхроннай тілбестег пар.

Фестиваль неделязы 23 апрельде 17.00 часта Ф.Зеллернің пьесазынҷа турғызылған «Паба» ойыннаң (12+) чабылар.

Мероприятиенің тӧстегҷілері: Хакасияның культура министерствозы, Россияның театр деятельлері пірігізінің региондағы пӧлии.

Ойыннарны Пушкин картазынҷа кӧріп аларға чарир.