КӦСТЕГ – СУПЕРЛИГАЗАР КІРЕРІ
21.04.2023
Хабарлар
Чахығ. Хакасия пазы Валентин Коновалов «Саяны» меспектіг хоккей командазына Суперлигазар кірҷең оңдайлар тӧстирге чахығ пирген
Хакасия пазы Валентин Коновалов республиканың физическай культура паза спорт министерствозына региондағы Меспектіг хоккейҷе федерациянаң хада Хакасия правительствозының холында полар Попечительлер чӧбін тӧстирге чахаан. Ол чӧп піcтің командаа иң кӱстіглернің лигазынзар кірерінҷе килістіре «Чол картазын» тимнир.
Олох туста, Хакасия правительствозы орыс хоккейін тилідерінең тӧреміл оңдайнаң айғасча. Команданы тударына республика бюджедінең позыдылчатхан ахча сині ӧсче. Меспектіг хоккейні план хоостыра тилідер хаалағларның пірcі 2022 чылда ол спорт кӧрімін республикадағы ӧӧннернің санынзар киргені полған.
– Республика «Саяны» командазын иң кӱстіглернің лигазынзар кирерінҷе тоғынча. Пӱӱл піс оларға хоза ахча позытхабыс, ол санда чииттер командазын тилідеріне. Постың хоккеисттерін тимнирі уғаа кирек, командада пістің Хакасияның ооллары ойниры ӱчӱн, – таныхтапча республика пазы.
Ахча позыдарын хосханы тренировкаларны чыл ибіре апарҷаң оңдайлар тӧстиріне кӧстегліг. Ол кӧcтеге чидер ӱчӱн арған пустығ айғы пӱдірҷең алай ба пар стадионнарда арған пус тӧзир оңдайлар кӧрілче.
Автор :
Хакасия пазының паза Хакасия правительствозының пресс-службазы
| Пн | Вт | Ср | Чт | Пт | Сб | Вс |
| 29 | 30 | 31 | 1 | 2 | 3 | 4 |
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 1 | 2 |
Кӱн таңмазы
Хакасияда
Россияда
Тилекейде
