Матыр хакас оолға - бюст
07.05.2023
Хабарлар
7 майда Ағбанда тимiр чол вокзалы алнындағы ачыхта турчатхан «Кизек чаалазығларда чуртастарын пир салған Хакасияның оолларына» мемориал хыринда Россияның Матыры Игорь Ахпашевтiң бюсты пайрамни азылған. Аны азарында араласханнар Хакасия пазы Валентин Коновалов, Ööркi Чöп кнезi Владимир Штыгашев, Ағбан пазының орынӌызы Владимир Крафт, Хакас чонның Улуғлар чöбiнiң кнезi Петр Воронин паза даа пасхазы. Iдöк анда полғаннар Игорь Ахпашевтiң iӌезi Лидия Ивановна паза туған-чағыннары, хумартхы тасты чайап салған Москвадағы скульптор Михаил Баскаков.
Амды мемориалның iкi саринда iкi хакас оолның, Россия Матырларының бюсттары турыбысты. Ӱр ниместе анда Россия Матыры Аймир Миягашевтiң бюсты турғызылған.
Игорь Ахпашевтiң iӌезi Лидия Ивановна бюстты тимнирiнде араласхан прай кiзiлерге улуғ алғызын читiрген.
Автор :
Николай Султреков
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы