Чаҷыннығ пічік орнына – пластик картазы
10.04.2024
Хабарлар
Чааҷылар хайиина. Россияда чаалазығлар ветераннарының электроннай удостоверениелері кирілче
2023 чылның декабрьында Россияның арачыланыс министрі Сергей Шойгу чаалазығлар ветераннарының электроннай удостоверениелеріне кірер пӧгіннеңер искірген, 2024 чылның 16 мартында Россия Федерациязының правительствозы килістіре чарадығны алыбысхан.
Чаалазығлар ветераннарының электроннай удостоверениезі – удостоверениенең піріктірілген персонализированнай банк картазы. Аның пасхалалчатханы алнындағы саринда ӱстӱндегі оң пулиинда «СВОи» пазылғаны паза «УДОСТОВЕРЕНИЕ» чіке пазылғаны полча, кистіндегі саринда – сомға орын, удостоверениенің сериязы паза номері, алтындағы оң пулиинда арачылағ голограммазы.
Мындағ оңдайнаң пластик картазы кӧрімніг электроннай удостоверение прай искіріглерні пірге ал чӧрче: чаалазығлар ветераннарының электроннай удостоверениезі, социальнай паза банк картазы полча, чаалазығлар ветераннарына социальнай хабазығларны аларға оңдай пирче. Ол Россияның арачыланыс министерствозы пастыра пирілчеткен тӧлеглерні, федеральнай паза регион тӧлеглерін, банктың социальнай привилегияларын паза партнерлары пирчеткен скидкаларны айланыс чох ал турарға оңдай пирер.
Электроннай удостоверение тузы чох паза хазнаның прай чирінде тоғынар. Пластик картазын киргені чаалазығлар ветераннарының чаҷыннығ удостоверениелері кӱзін чох итпинче, ол ағаа хоза пирілче.
Чаалазығлар ветераннарының электроннай удостоверениезін банк-партнерзар (Промсвязьбанк) айланыс пазып – «ПСБ» ПАО-ның официальнай сайты пастыра алай банк офизінзер посха киліп, алып аларға чарир.
Хоза искіріглерні Россияның арачыланыс министерствозының сайтында, «СВОи» чаалазығлар ветераннарының электроннай удостоверениезінеңер пӧлікте (https://svoi.mil.ru/svoi/general.htm) піліп аларға чарир.
Автор :
Хакас Республиканың чааҷы комиссариады
| Пн | Вт | Ср | Чт | Пт | Сб | Вс |
| 29 | 30 | 31 | 1 | 2 | 3 | 4 |
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 1 | 2 | 3 |
Кӱн таңмазы
Хакасияда
Россияда
Тилекейде
