ЧУРТАЗЫҢ ПО3ЫҢНЫҢ ХОЛЫНДА
13.09.2016
Хабарлар
Хакасияның аарлығ чуртағҷылары! Чылдаң чылға чоох апарчабыс, тамкы тартчатса, сизіктіг полардаңар, олғаннарны кӧйчеткен отсар чағын кирбестеңер, песті паза электрооборудованием тузында сыныхтабыс турардаңар.
Че пӱӱнгі дее кӱнде піс хомзыныстығ кӧзідімнердеңер исчебіс. Іди 2016 чылның амғы тузына теере Россияда 80 муң артиинаң ӧрт санға алылған, 5 муң кізі саайланған, ол санда 239 пала, паза 5700 кізі палығлатхан. Хакасияда олох тустың аразына 435 ӧрт санға алылғаны, 24 кізі саайға кіргені, 23 кізі палығлатханы таныхталча.
Аннаңар пу саннарны чахсы саринзар алыстырыбызары постарыбыстаң сылтағлығ. Киректі постаң, чуртыбыс ӧрт сыхпас оңдайларға килістіре полчатханын сыныхтабызарынаң пастирға чӧп пирчебіс.
Тураны, пес одынып, чылытчатхан туста ӧрт пасталыбызарынаң сизіктіг тудынардаңар кӧп хати чоохтапчабыс. Мында иң ӧӧн сылтағ - иргі пестерні тузында тыхтабинчатханында алай, пес одынчатса, сӱрткі материалларынаң тузаланғанында.
Ибде ӧрт сыхчатханында пестің соонда ікінҷі орында электрооборудование парча полар. Пӱӱнгі кӱнде кемнің дее туразында чарытхынаң тузаланчатханы хай-хай ӧс парған. Эмектер, тізең, хаҷанох тузаланысха кирілгеннер, аннаңар сыдаспинчалар. Ағаа хоза, кізілер постары тимнеен нимелернең тура чылыдарға харасчалар. Анзы даа ӧрт сығарына ағылча.
2016 чылның 8 айына Хакасияда песнең саба тузаланған сылтаанда 96 ӧрт сыххан, электрооборудование сылтаанда 137 ӧрт пасталған. Анзы прай ӧрттернің 53,5 %-іне тиңнелче.
Ӧрт хайдағ хорғыс ағылчатханын нимее салбинчатханы кізілер аразында удаа орта полча, Амды туралар чылыдар тус пасталча. Аннаңар ӧрт полдырбас сизіндіріглерні ундутпасха кирек. Пазох хати чоохтапчабыс: постарыңның чуртазы постарыңның холында.
Автор :
Сергей ТАНАКОВ, Хакасияның «Ӧрттең тоғыр служба» ГКУ-ның пастығы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде