МЕСПЕКТІГ ХОККЕЙ ХАКАСИЯА ЧИТТІ
07.12.2016
Хабарлар
Республиканың меспектіг хоккейӌе «Саяны» командазы 5 декабрьда Ағбандағы стадионда пӱӱл пастағы ойынын иртірген. Пістің хоккеисттер «СКА-Нефтяник-2» (Хабаровск) команданаң тоғасханнар.
Матч пасталар алнында хоккеисттерзер паза кӧрігӌілерзер Хакасияның пазы Виктор Зимин айланған:
- Меспектіг хоккей Хакасияда хаҷаннаң кибірліг, аның кӧрігӌілері хайдағ даа соохтарда трибуналарда толдыра чыылысчалар. Сидіксіністер дее полза, меспектіг хоккей республикада чахсы тиліпче, ол кӧп кізі айғасчатхан спорт кӧрімі полча. Хакасияның тоғыс муниципальнай пӱдізінде меспектіг хоккейҷе республика школазының пӧліктері азылых, анда 14 тренер тоғынча. Ағбанда паза Ағбан пилтірінде постарының школалары пар. Сын иреннернің спорт кӧрімінең ӱс муңа чағын оолах айғасча. Амғы хоккеисттерге турыстыра тӧл ӧсче!
«Саяны» стадионда ікі муң азыра кӧрігӌі чыылысхан. Виктор Зимин прайзын хоккей сезоны азылғанынаң алғыстаан.
Пастағы матчта «Саяны» Хабаровсктың командазын 8:3 саннаң утхан.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде