«ЧАС ХАНАТТЫҢ» ПӦЗІК ЧИДИИ
17.02.2017
Хабарлар
Пу наада ӧріністіг хабар килген. «Час ханат» олған эстрада студиязы тиксі Россиядағы чайаачы олимпиаданың ікі номинациязында чиңісчі полыбысхан.
Чайаачы олимпиада дистанционно иртірілген. Анда 5 - 35 частығлар араласханнар. Тиксі алза, марыға 334 сурыныс пічии хазнаның 50 регионынаң килген. Араласчыларның узын Россияның ӧӧн ӱгредіг паза чайаачы организацияларының эксперттері паалааннар. «Час ханат» олған эстрада студиязы «Хореография» паза «Вокал» номинацияларда I степеньніг лауреат атха турысхан. Пастағы номинацияда кічіг частығ артисттер «Хакасияның омалары» паза «Пайрамнығ» теелбектерні кӧзіткеннер. Оларны балетмейстер Анна Тинникова турғысхан. «Вокал» номинацияда, «Хоора палых» паза «Хонгорой» сарыннарны толдырып, ырҷы Виктория Димчикова араласхан. Чиит чайаачының узына жюринің кізілері аптаттырғаннар.
Автор :
С.П.Кадышевтің адынаң культура кіні
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде