ГРЕЧКА ПААЗЫ ТӰСЧЕ
21.04.2017
Хабарлар
МОСКВА. 2016 чылның авгузынаң гречка паазы 17,9 % тӱс парған. Ведомстволар аразындағы тиксі искіріг системазы (ЕМИСС) саннарынаң, ирткен чылның авгузында килограмм гречка 94,14 салковайға турған полза, пӱӱл мартта аның паазы 79,83 салковайға теере тӱс парған.
2015 чылдаң сығара гречка паазы тӱспеен. 2015 чылның июльына 66,9 салковайға турған полза, айдаң айға аның паазы ӧскен.
Тоңастығларны сығарчатханнарның национальнай пірігізінің президенті Павел Скурихиннің чооғынаң, 2016 чылда чайғызын гречканың оптовай паазы ӧс сыххан. Че рынок гречка читкіҷе поларынаңар піліп алғанда, аның паазы тӱс сыххан.
- Гречка, пасха даа тоңастығлар чіли, хырығ озаринзар садылча, аннаңар аның паазы доллар курзынаң палғалыстығ, - хосхан Скурихин.
- Амды оптовиктернің гречка кӧп чыыл парған. Олар аны садып аларға кӱстенчелер, - теен Национальнай садығ ассоциациязының президенті Вадим Зуйков.
Автор :
Известия
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы