ТААРЫҒА ТИМНЕНІС ЧАХСЫ ПААЛАЛДЫ
03.05.2017
Хабарлар
Хакасия часхы хыра тоғызына чахсы тимнен салғаннаңар искірген Сибирьдегі федеральнай округтағы Россия президентінің полномочиеліг кізізі Сергей Меняйло, часхы хыра тоғыстарына тимненерінҷе видеоконференцияның салтарларын идіп.
Хакасияның пазы Виктор Зимин полпредке пу чылдағы таарығның ӧӧн сурығларынаңар искірген. - Республика ирткен чылдағы кӧзідіглерні пӱӱл хызырбинча. Таарыға тимдебіс тиирге чарир. Азых тимнеҷең чирлерні хосчабыс, маллар, аттар паза хойлар саны хозылчатханын санға алып. Техниканы тимнирін тоосчабыс. Аал хонии ас-тамаан сығарчатханнарның чыылии соонаң Хакасияның финанстар министерствозына таарығ тузында аал хонии паза ас-тамах министерствозына ахча чахсы пирерге чахылған. Отрасльға ахча, май-июньда нимес, пуунгі кӱнде уғаа кирек, - искіриинде таныхтаан Виктор Зимин.
Сергей Меняйло аал хонии предприятиелеріне льготалығ кредит пиреріне алынҷа хайиин айландырған паза пу сурығҷа Россияның аал хонии министерствозынзар Сибирьдегі регионнарға хоза хабазығ пирҷең оңдайларны табар пӧгіннең сығарға сағынчатханынаң ӱлескен.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы