ПӀЛЕРГЕ ХЫНЫҒ
Статья
ПУРУНҒЫ НОСОРОГ
Пу килкім аң 140 муң чыл мының алнында чуртаан. Ол мамонттаң кӧмес ле кічіг, че тӱгі андағох хойығ паза узун полған. Пурунғы носорогтарның пӧзии 2 метр полған. Оларның ікі мӱӱс. Пастағызының узуны 1-1,5 метрге читчең, ікінҷізі 50-ҷе сантиметр полҷаң.
Пурунғы носорогтар мамонттарнаң хости чуртаҷаңнар. Олар хысхызын харны мӱӱснең паза туйғахтарнаң кӱреп, от тапчаңнар.
Амғы носорогтар ӧбекелерінең тың пасхалалбинчалар. Че олар ікі хати кічіглер паза чылығ «тоннары» чоғыл.
Олғаннар, нинҷе час полчатханын чахайахтар пастыра пілібізерге чарир. Олар иртен нинҷе часта чарылчатханын, иирде нинҷе часта чабылчатханын сизінерге чарир.
Иртенӧк, 5 часта, адай тунҷуғы паза мак чарылча. 6 часта ах паС (одуванчик) усхунча, 8 часта - кӱҷеліг от (вьюнок). Окпең чахайах (гвоздика) сала орай чарылча - 9 часта, анаң 13 час кӱнӧрте пазох узирға чабыныбысча. 14 часта мактар узубысчалар, 17 часта - нинҷі оды (незабудка). 18 час иирде ат туйғағы от (кувшинка) суғ алтынзар кірібісче. 19-20 частарда адай тунҷуғы чабыныбысча.
НОҒА КӦӦК НЫМЫРХАЗЫН ПАСХА УЙАДА АРТЫСЧА?
Кӧӧк - тузалығ хус. Ол пасха хустар чібинчеткен хурттарнаң нимістенче. Пу хус пір час аразына 100-ке чағын харыстаасты чібісче.
Ноға кӧӧк нымырхазын пасха уйада артыс салча полҷаң? Палалары хазых халзын тіп, неке. Кӧӧк палазы кӧп чіпче нооза. Инезі прай палаларын азырап полбас.
ТУСХА ХЫНЧАТХАН ХУС
Чир ӱстӱнде тус матап чиирге хынчатхан хус пар - ол хысхылых. Узун азахтығ паза игір хахаҷахтығ сіліг хус тустығ кӧллерде хай пірее ӧзімнернең паза кічіг рактарнаң нимістенче. Андағ суғларда палых чох полча.
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы