УНИВЕРСИТЕТ АБИТУРИЕНТТЕРНІ САҒЫПЧА
31.05.2017
Статья
Хайди искірче Н.Ф.Катановтың адынаң Хакас хазна университедінің хабарлар пӧлии, 20 июньнаң университетте приёмнай кампания тоғынып пастир. Пу ӱгредіг учреждениезінзер аймах кӧстеглерҷе паза специальностьтарҷа очно алай заочно ӱгренерге сағынчатхан абитуриенттерге кірерге чарир.
Пӱӱл абитуриенттерге 1619 бюджет орны кӧріл парған. Ирткен чылда 1679 полған. Пӱӱл приёмнай кампания тоғызын алыстырбаан. Абитуриенттер пічіктерін ідӧк пис вузсар ӱс аймах кӧстегҷе пир поларлар. Университет бакалаврларны, специалисттерні, магистранттарны паза аспиранттарны тимнепче.
Ідӧк ХГУ чыл сай иртірчеткен олимпиадаларның паза марығларның салтарларын санға алар. Анда чиңіс тутхан паза араласхан олғаннарның баллары ЕГЭ балларына хозылар.
- Пӱӱнгі кӱнде университеттің пӧзік квалификациялығ специалисттерні тимнир прай оңдайлары пар, - таныхтапча университеттің ректоры Татьяна Краснова. - ХГУ-ның материально-техническай базазы пӧзік синде, амғы тусха килістіре технологиялар чахсы тиліпче паза университетте пӧзік пілістіг преподавательлер паза наука тоғынҷылары істенчелер.
Ідӧк 2018-2019 ӱгредіг чылында Хакас хазна университедінде «Агрономия» специальностьча 20 бюджет орны азылар. Таныхтирға кирек, пу специальностьха халғанҷы ікі чылда бюджет орны пирілбеҷең.
- Халғанҷы чылларда Россияда, ол санда Хакасияда, аал хонии кирее чахсы тиліпчеткенде, ідӧк аал хонии специальностьтары улуғ кирексіністе полчалар. Улам піске агрономнар киректер, - чоохтапча аал хонии колледжінің тоғынҷызы Наталья Врублевская.
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы