ЛАРИСА ГИМАЗУТИНА -ӰГРЕДІГ ПАЗА НАУКА МИНИСТРІ
28.06.2017
Хабарлар
Хакасияның пазы Виктор Зимин республиканың ӱгредіг паза наука министріне Лариса Гимазутинаны турғыс салған.
- Республиканың пу иң ӧӧн министерстволарының пірсі, анынаң ӧсчеткен тӧлнің чидіглері палғалысча. Школа тоосханнарның ӱлӱкӱнінде олғаннарның кӧңнін мин кӧргем. Иң ӧӧні - олар чахсы кізілер , сын патриоттар ползыннар, постың Чир-сууна хыныс чох чуртир оңдай чоғыл нооза, - чоохтаан Виктор Зимин наа устағҷаа.
Лариса Гимазутина регионның устағҷызын киртініс ӱчӱн алғыстаан:
- Хакасияда 565 ӱгредіг учреждениезі, оларның І85-і - школалар. Республиканың прай ӱгредіг учреждениелерінде киректер хайди парчатханын мин чахсы пілчем. Пістің чахсы профессиональнай ӱгретчілер ӧмезі тӧстел парған, турғызылған прай пӧгіннерні піс хада толдыр саларыбысха ізенчем.
Лариса Николаевна Гимазутина Хызылчар крайындағы Краснотуранск аймаанда Кедровка аалда 1961 чылда тӧреен. 1983 чылда Ағбандағы ӱгретчілер институдын математика паза физика специальностьча тоосхан, Харатастағы 6 № школада ӱгретчі полған. 2003 чылдаң Хакасияның ӱгредіг паза наука министерствозында. 2014 чылда министерствоның ӱгредіг сферазын сыныхтағда тударынҷа пӧлік пастығына турғызылған.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде