SOLARBASS -2017
28.06.2017
Хабарлар
Фестиваль SOLARBASS -2017: электроннай кӧглер, теелбек паза улуғ аалҷы Елена Темникова
Пу кӱннерде Хакасияда олаңай ла ізіг полбас, а уғаа тың ізіг полар! Анзы республика кӱніне удур тиксі чир-суубыста алғым иртер мероприятиелернең палғалыстығ. Читінҷі чылы республикада «Сибер Ил» Чоннар аразындағы культура-турист форумына тиксі Россиядаң паза пасха-пасха хазналардаң аалҷылар чыылызар. Пуох кӱннерде Ағбан городта чииттерге чыылызарға чахсы сылтағ полар SOLARBASS -2017 фестиваль, хайзы пастағызын на республика синінде иртірілер.
Нименең пасталған SOLARBASS фестиваль? Ол 2014 чылда Ағбан город синінде «ЕВРОЛЕТО» фестивальнаң пасталған. Пӱӱл январьда Хакасия пазы Виктор Зимин республиканың ӧткін чииттерінең тоғазығ иртіргенде, чииттер постарына килістіре улуғ фестиваль иртірерге сурынғаннар. Іди «ЕВРОЛЕТО» фестиваль республика синіне ӧс парған.
SOLARBASS -2017 фестиваль 2 июльда, позырахта, 19.00 часта Ағбанда наа музей-культура кіні алнында иртер. Республика чуртағҷыларын паза аалҷыларны, уламох чииттерні, электроннай музыка шоузы, теелбектер паза саблығ ырҷы Елена Темникова сағыпча (прай ниме тикке!).
Сӧс соо: Алғыда искірігні «Хабар» газетаның пятницадағы (30 июньдағы) номерде хығырыңар.
Автор :
Наталья СУБРАКОВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы