АС САННЫҒ ЧОНҒА ПОЛЫЗЫҒ
21.07.2017
Хабарлар
КАРЕЛИЯ. Севердегі, Сибирьдегі паза Ыраххы Востоктағы ас саннығ чоннарға кірчеткен вепстернің социальнай паза экономика тилізіне полызарға 2,9 миллион салковай позыдылған. Пылтыр ол пӧгіннерге 2,5 миллион салковай пирілген полған.
«Карелиядағы вепстерге пӱӱл пирілген 2 миллион 906 муң салковайның 2,699 миллионы - федеральнай бюджеттің ахчазы. Ағаа Шелтозеро аалдағы имнег туразын паза школаны тыхтирлар», - теен ас саннығ чоннарға полызығ пирҷең пӧлік пастығы Евгения Шустова.
Ідӧк вепстернің «Чуртас ағазы», «Чарых кӱн» ӱлӱкӱннерін паза «Вепстернің нымағы» фестивальны иртіреріне ахча пирілер. Аны хоостыра вепс тілінең нинҷе-де книга сығарылар.
2016-2017 ӱгредіг чылында вепс тілін Карелияның тӧрт ӱгредіг учреждениезінде 267 кізі ӱгренген. Республикада прай 3423 вепс саналча.
Автор :
ТАСС
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы