1-ҒЫ КЛАССТАҒЫЛАРҒА МИНИСТРНІҢ СЫЙИИ
05.09.2017
Хабарлар
Хакасияның хазых хайраллаҷаң министрі Владимир Костюш Шира паза Пии аймахтарыңдағы ыраххы паза кічіг аалларда пол килген. Анда ол тӧрт олғанны 1-ғы классха парчатханынаң алғыстаан.
Ідӧк Асхыс аймаандағы Неожиданнайнаң Николаевкадағы олғаннарға сыйыхтар читірілген. Министрнің сыйиинда школаа киректелчеткен ниме-ноолар полған.
- Аарлығ олғаннар, наа чуртасха кірчеткеннеріңнең алғыстапчам. Кӱстенҷік полыңар, чахсы ӱгреніп, іҷе-пабапарыңны ӧріндіріңер, - наа ӱгренҷілерні алғаан Владимир Костюш. «Хакас Республиканың кічіг аалларын хайраллиры паза тилідері» программа хоостыра хазых хайраллаҷаң министерство пасха ведомстволарнаң хада хайығда тутчатхан кічіг аалларға кӧп хабазығ пирді. Іди социальнай объекттер паза аалдағыларның чурттары нааҷылалғаннар, тасхар чарытхы тартылған, чоллар иптелгеннер.
Автор :
"Хабар"
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде