ТИЛЕКЕЙ МАРИИНА ТИМНЕНІС
20.09.2017
Хабарлар
Дзюдоҷа паза самбоҷа СССР-ның спорт узы Геннадий Алексеевич Аев пу наада Тюменьде спорт ветераннары аразында дзюдоҷа Россия чемпионадында араласхан.
Тюменьде ирткен марығда чир-суғҷыбыс 73 кг кӧдірімде харбасхан. «Тюмень-дзюдо» спорт ӧргезінзер Россияның аймах пулуңнарынаң 200 артиинаң кӱресчі-ветеран чыылыстыр. Оларның аразында Россия, СССР, Европа, тилекей чемпионнары полған спортсменнерні кӧрерге киліскен. Частары хоостыра ал-алынҷа подгруппаларға чарылғаннар. Геннадий Алексеевич 60 - 65 частығ кӱресчілер аразында харбасхан.
Чир-суғҷыбыс Россия чемпионадында хомай нимес тимненіс кӧзіткен, азах меетке сығып алған. Пастағы орын ӱчӱн ағаа Виктор Медведковнаң тоғазарға киліскен. Анзы улуғ опыттығ кӱресчі, тилекей чемпионы полған. Ідӧк спорт ветераннары аразында иртірілчеткен прай даа марығларда аралазарға харасча.
Тоғазығның ӧӧн чардығы тиң саннарнаң тоозылған. Аннаңар хоза тус пирілген. Анда чир-суғҷыбыс кӧмес-кӧмес сыдабин салған. Іди Геннадий Аев ибзер кӱмӱс медальлығ айланған. Амды ол тилекей мариина тимненче. Ол пӱӱл кӱскӱзін Италияда иртер.
Автор :
Анатолий СУЛТРЕКОВ
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы