ЧИИТ АКТЕРНЫҢ УЗЫН ПӦЗІК ПААЛААННАР
17.10.2017
Хабарлар
Монголияда 2 - 9 октябрьда «UB-The Parade of Winners» чоннар аразындағы III монодрама фестивальы ирткен. «Читіген» хакас драма паза этническай кӧглер театрының чайаачы ӧмезі пу фестивальдаң айланды.
Мероприятиені Монголиядағы монодрама кіні апарча. Аймах хазналарның кӱстіг театрлар ӧмелерінің артисттері анда араласханнар. Хакас театры андар амғы чуртастаңар «Хамарах» драманы апарған. Моноспектакль Алексей Сагатаевтің пьесазы хоостыра турғызылтыр, режиссер Баатр Колаев полча.
Ӧӧн рольны «Читігеннің» чиит актеры Виктор Сагалаков толдырған, ол анда чалғысхан на ойнапча. Фестивальға чыылған чон Викторның талантын таныхтаан. Улан-Баторда аны Бурятияда суурылар фильмде ӧӧн матырны ойнирға хығырғаннар. Кинофильмнің режиссеры Тадас Монтримас полча.
- Моол чирінзер чорых уғаа чапсых полған, - теен Виктор Сагалаков. - Кӧп кізінең танысхам . Ідӧк уғаа чахсы моноспектакльлар кӧріп алғам.
Эксперттер пістің актерның ойынын пӧзік синде паалааннар.
Автор :
Хакасияның культура министерствозы
| Пн | Вт | Ср | Чт | Пт | Сб | Вс |
| 29 | 30 | 31 | 1 | 2 | 3 | 4 |
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 1 | 2 | 3 |
Кӱн таңмазы
Хакасияда
Россияда
Тилекейде
