ПІСТӀҢНЕР - ИҢ АРТЫХТАР
12.12.2017
Хабарлар
Хакасияның орт ӱзірҷең олған дружиназы Россия синіндегі марығның чиңісчізі полыбысхан. Ағбан пилтірінің ӱгренҷілері тиксі Россияда иртірілчеткен «Россияның ӧрт ӱзірҷең иң чахсы олған дружиназы» III кӧзідіг-марығда пастағы орынға сыхханнар.
Хакасияның «Отты холда тутчатханнар» командазы марығларда Сибирьдегі федеральнай округтаң чалғыс ла команда полған. Финалға сыххан он команда прай хазнадағы муңар кандидат аразында хатығ таллағ ирткен. Марығның финалынзар путёвканы иң ӧткін, таланттығ, спортта пӧзік чидіглерге читчеткен олғаннар алғаннар.
Хайди искіргеннер чиңісчілер, марығларның полған на кӱні минуталарҷа пазылых полған. Иртен сай командалар постарына пӧгіннер алып, анаң оларны кӱн тооза толдыр турғаннар. Визиткаларны арачылиры, ӧрт ӱзірҷеңнер эстафетазы, строй паза сарын кӧзідии, спорт универсиадазы - пістің олғаннар маңнаныстығ ирткен марығларның кічіг ле чардығы.
- Піс олғаннарны чиңіснең алғыстапчабыс! Пістің ӱгренҷілерібіс ӱчӱн поғдархас, ӧрініс чӱреебісті толдырча. Олар, прай кӱстерін салып, чиңіс тутханнар. Олғаннар, сын кӱресчілер полып, хада-пірге команда ойынын кӧзіткеннер, - теен республиканың ӱгредіг паза наука министрі Лариса Гимазутина.
Автор :
Кристина КРЕНЦ
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы