КАНДИДАТТАР ПАЗА ПАРТИЯЛАР ТИМДЕЛЕР
16.02.2018
Хабарлар
Хакасияның Табығ комиссиязы региондағы хазна телерадиокомпанияларынаң хада Россия президентіне табығларда агитация иртіреріне, тикке пирілчеткен эфир тузын ӱлестіріп, жеребьевка иртірген.
Закон хоостыра Россия президентiне табығларда кандидаттарға паза кандидаттарны сығарған партияларға табығлар алнында агитацияны апарарына федеральнай хазна теле- паза радиоканалларда, регионнардағы хазна теле-паза радиоканалларда эфир тузы паза федеральнай хазна печать изданиелерінде орын тикке пирілче. Хакасияда кандидаттарға паза партияларға агитация апарҷаң эфир тузын тикке «Хакасия» ГТРК паза РТС телерадиокомпания пирерлер.
14 февральда Хакас Республиканың Табығ комиссиязы ӱстӱнде адалған телерадио-компанияларнаң хада, тикке пирілҷең эфир тузын кандидаттарның паза партияларның аразында ӱлестіріп, жеребьевка иртірген. Таныхтирға кирек, Россия президентіне табығларда ЦИК-та, прай сыныхтағларны иртібізіп, 8 кандидат санға алылған. Закон хоостыра табығ бюллетеньінде ол кандидаттарның фамилиялары алфавит хоостыра турар:
Бабурин Сергей Николаевич - «Российский общенародный союз»;
Грудинин Павел Николаевич - «КПРФ»;
Жириновский Владимир Вольфович - «ЛДПР»;
Путин Владимир Владимирович - пос позын сығарған кандидат;
Собчак Ксения Анатольевна - «Гражданская инициатива»;
Сурайкин Максим Александрович - «Коммунисты России»;
Титов Борис Юрьевич - «Партия Роста»;
Явлинский Григорий Алексеевич - «Яблоко».
17 февральдаң СМИ-лар пастыра агитация апарҷаң тус пасталча. Андағ оңдайнаң табығ кампаниязы тӱрчедең хыызына кірібізер.
Автор :
Альберт ТОЛМАШОВ
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы