ИМҶІЛЕР ОПЫТНАҢ ӰЛЕСКЕННЕР
28.02.2018
Хабарлар
Хазых хайраллиры. Хакасия делегациязы Россия педиатрларының чыылиинда араласхан.
Москвада Россия педиатрларының ХХ конгрезі ирткен. «Педиатрияның ағырсымнығ сурығлары» адалған чыылығда Россиядағы паза хырығ озаринаң килген специалисттер араласханнар. Хакасияның делегациязында штаттағы нимес ӧӧн педиатр, штаттағы нимес ӧӧн олған кардиологы, штаттағы нимес ӧӧн олған эндокринологы паза имҷі-педиатрлар полғаннар.
Хакасия делегаттары чыылығда республикада педиатрия полызии хайди пирілчеткенінеңер паза Хакасия правительствозы палаларға имнег полызиин пирерін чахсыландырарынҷа хайдағ тоғыс апарчатханынаңар чоохтап пиргеннер. Ідӧк Хакасияның палаларға имнег полызиин пирчеткен ӧӧн учреждениелерінде иртірілген сыныхтағның, хайзы 2017 чылның сентябрьынаң пасталған, салтарларынаң таныстырғаннар.
- Піс тиксі тилекейдегі хазых хайраллаҷаң пірігіс эксперттерінең дее, Россияның хазых хайраллаҷаң министерствозының олған департаментінең дее пӧзік паалағ алғабыс. Ол махтағ пісті пазох кӱс алынарға паза педиатрия службазын тилідерін узарадарға кӱстепче, - чоохтаан Хакасияның ӧӧн педиатры Татьяна Кузнецова.
Конгрессте Россияның педиатрия службазының чидіглері паза мыннаң мындар тиліҷең ӧӧн кӧстеглері ӱзӱрілген. Мероприятие хоостыра кӧп пленарнай чыылығлар, наука-практикалығ конференциялар, дискуссиялар паза «тегілек столлар» ирткен. Таныхтирға кирек, педиатрларның конгрезі хазнаның имнег киреенде танығлығ чыылығларының пірсі полча. Ол олған имҷілерінің паза пала хазиин хайраллаҷан сферадағы пасха специалисттернің узын кӧдірерінде турыстығ хозым итче.
Автор :
Хакасияның хазых хайраллаҷаң министерствозы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы