МИНИСТР ШКОЛА ТООСЧАТХАННАРНАҢ ТОҒАСЧА
07.03.2018
Хабарлар
Халғанҷы пис чыл аразына Хакасияның имнег тураларынзар 600 азыра специалист тоғынарға килген. Чоохтирға кирек, чииттерге устарын тилідерге республика правительствозынаң ахчалығ хабазығ чахсы иділче.
Че регионда кадрлар сурии ам даа пӧгілгелек. Имнег учреждениелерінзер педиатрлар, онкологтар, анестезиологтар чидіспинче. Аннаңар Хакасияның хазых хайраллаҷаң министрі Владимир Костюш школа тоосчатхан оол-хыстарнаң тоғазығлар иртірче. Іди ол Ағбанда 25 № школаның 10-11 класстағы ӱгренҷілерінен чоох алысхан. Устағҷы кізі иң пастап позы пу профессиязар хайди килгенін чоохтаан. Анаң чииттернің имҷее ӱгреніп алар амғы оңдайларынаңар искірген.
2017 чылда кӧстегліг программаҷа іди Сибирьдегі имнег ВУЗ-тарынзар 79 абитуриент кіріп алған. Пӱӱл андағ оңдайнаң 202 кізі тузаланарға чаратхан.
Автор :
"Хабар"
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы