КИБІРГЕ КІРГЕН ӰЛӰКӰН
07.03.2018
Хабарлар
ТУВА. Тоора-Хем аалда аңҷыларның паза кииктер ӧскірчеткеннернің ікі чылда пір хати иртірілчеткен ӱлӱкӱні таныхталды. Аал хыринда туваларның ибіҷектері турғызылған, садығ орыннары тимнелген, ойыннар кӧзіділген.
Анаң хынығ марығлар пасталыбысханнар. Аның араласчылары кӧлген кииктернең, харҷа чӧрҷең техниканаң чарысханнар, одың чарғаннар, кииктерні кем табырах тудып изерлебізерінде устарын кӧзіткеннер.
Москвада даа полза, Туваның пазы Шолбан Кара-оол блогы пастыра чир-суғҷыларын, Хакасиядаң, Алтай крайынаң, Кемеров облазынаң килген аалҷыларны кибірге кірген ӱлӱкӱннең алғыстаан.
Тоджа аймааның чуртағҷылары, хайда кибірліг ӱлӱкӱн ирткен, Россияның ас саннығ чоны полча. Тувада олар ла, тайғада чуртап, кииктер ӧскірчелер. Оларға хазна полызии пирілче.
Автор :
Туваның официальнай порталы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы