8 МАРТНАҢ !
07.03.2018
Хабарлар
Чалахай ипчілер!
Прай чӱреебіснең сірерні Часхы ӱлӱкӱнінең - Чоннар аразындағы ипчілер кӱнінең - чылығ алғыстапчабыс!
Пу часхы кӱн чир-чайаанның усхунчатханын таныхтапча. Сірер чуртастың, чир сілиинің тании полчазар. Сірер пістің чӱреебіске чылығ паза паарсас сыйлапчазар, сидік туста хабасчазар, киртіністі айландырчазар, илбек киректерге кӱс пирчезер.
Амғы туста сірер читпеен чуртас сфералары чоғыл. Сӧбірені тыытчатхан паза палаларны ӧскірчеткен ӱчӱн, ибдегі очыхты тутчатхан паза прай нимені хайраллапчатхан ӱчӱн алғызыбыс сірерге читірчебіс.
Пу кӱнде аарлығ, чағын кізілерің сірерге хайығ паза паарсас, чуртазыңарға наа кӱс сыйлазыннар!
Пик хазых, часка, хыныс, чахсы чуртас алғапчабыс сірерге! Сыбыра абахай, чиит, сіліг, чалахай полыңар!
В.М.ЗИМИН, Хакасияның пазы - Хакасиянын Правительство кнезі
В.Н.ШТЫГАШЕВ, Хакасияның Ӧӧркі Чӧп кнезі
Хакасияның аарлығ ипчілері!
Чылығ алғыстапчам сірерні Чоннар аразындағы ипчілер кӱнінең - Часхы паза Кӧӧленіс ӱлӱкӱнінең!
Пу ӱлӱкӱнні Россияда уғаа чылығ таныхтапчалар. Ол - сыйыхтарға паза чахайахтарға, чылығ сӧстерге паза паарсасха пай кӱн. Ипчі хас-хаҷаннаң ибдегі чылығны, сӧбіредегі часканы паза чахсы чуртасты хайраллапчатхан кізі полча. Чуртасты ипчілер пирчелер нооза, пос хынызынаң, хабазиинаң паза паарсазынаң чылытчалар.
Алынҷа алғыс сӧстерін пӱӱн чааны кӧрген ипчілерге читірерге кирек. Сірернің пик кӱзіңер, сыдамағыңар, махачыңар пісті хайди даа чиңіс тударға ӱгрет салғаннар.
Сын профессионализмін, нандырығлығ полчатханын кӧзідіп, пістің ипчілер аймах сфераларда істенчелер, пӧзік чидіглерге читчелер. Олох туста олар сӧбіре чылиин хайраллапчалар, палаларны ӧскірчелер паза абахай, паарсах полып халчалар.
Пу часхы кӱн сірерге кӧп чахайахтар, чылығ кӱліністер, чағыннарның хайиин паза наа тоғазығлар ӧрінізін сыйлап пирзін! Пик хазых, сӧбіреде чахсы чуртас паза улуғ часка алғапчам сірерге!
Н.С.МАКСИМОВА, Россияның Хазна Думазының депутады
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы