ЧУРТАҒҶЫЛАР САНЫ ХОЗЫЛЧА
14.03.2018
Хабарлар
АЛТАЙ РЕСПУБЛИКА. Подгорнай аалның наа микрорайонында наа ФАП азылған. Ол микрорайонда ла 684 кізі чуртапча, оларның саны чыл сай ӧзіп одырча. Наа ФАП азылғанынаң чуртағҷыларны республика пазының пастағы орынҷызы Наталья Екеева алғыстаан.
Подгорнай аалның узуны тӧрт километрге тиңнелче. Наа объектке регион бюджедінең 7,79 млн. салковай позыдылған.
Таныхтирға кирек, республика бюджедінің ӧӧні социальнай сфераларға кӧріл парған. Іди аймахтарда наа имнег туралары, аалларда ФАП-тар, имнег участоктары пӱдірілчелер, имнег учреждениелеріне наа оборудование алылча. Тиктең нимес, регион имнег кирее тиліпчеткені хоостыра хазнаның 10 иң артых субъектіне кірче.
Хайди Наталья Икеева таныхтаан, 2010 чылдаң пасти республика чуртағҷыларының саны хозылчатханы іле кӧрінче. Аны хоостыра ол Россияның пис артых регионы санында.
Автор :
Алтай Республиканың официальнай порталы
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде