ХУБАЧАРДАҒЫЛАРНЫ СУҒ ТАЗАРЫНАҢ АРАЧЫЛАПЧАЛАР
18.05.2018
Хабарлар
Хубачар аалда Ағбан суғ хазындағы дамба тыхталған. Дамбаның узуны - пір километр азыра. Аның ӱстӱн нааӌылап салғаннар, андар 900 кубометр хайа-тас паза сай-хум урылған.
Тыхталған дамба суғ тазарынаң тиксі аалны паза Хубачардағы палых заводын арачылир. Алында аалның алтынзархы саринда Ағбан суғның азырығының чарларын тыыт салғаннар.
Хакасия пазының чахиинаң, чуртағӌыларны суғ тазарынаң арачылир тоғыс тиксі республикада апарылча. Регионда суғ синін паза гидротехническай пӱдіріглерні орыннарда 30 обходчик сыныхтағда тутча. Инженернай арачыланыстар управлениезінің диспетчер службазы хараа-кӱнӧрте тоғынча.
Автор :
"Хабар"
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы