ДАНИЕЛА КОЛЕСНИК - ЧОННАР АРАЗЫНДАҒЫ КЛАССТЫҒ СПОРТ УЗЫ
05.06.2018
Хабарлар
Россияның спорт министерствозы чарадии хоостыра Даниела Колесникке пауэрлифтингче «Россияның чоннар аразындағы класстығ спорт узы» ат пирілген.
Даниела Россияның піріктірілген комаңдазыңда хаӌаннаң саналча. Ол - пауэрлифтингче тилекей первенствозының 8 хати чиңісчізі, Россия первенствозының 15 хати чиңісчізі, Европа чемпионы. Марығларға аны тренері Анатолий Карабонцев тимнепче.
Таныхтирға кирек, чир-суғӌыбыс майда ирткен Европа чемпионадында пастағызын на улуғлар аразында позының узын сынады. Даниела Колесник 57 кг кӧдірімде марығласхан. Ол штанганы кӧксінең кӧдірерінде пастап 147,5 кг, анаң 152,5 кг кӧзіткен. Анзы тилекейнің наа рекордтары. Ӱс аймах упражнение толдырып, Даниела 535 кг кӧдірібіскен. Анзы ідӧк тилекейнің наа рекордына тиңнелче.
Автор :
"Хабар"
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде