ЛИТЕРАТОРЛАР ТУРАЗЫНДА - «ЛИТЕРАТУРА ХАРААЗЫ»
05.06.2018
Хабарлар
Хакасияның Литераторлар туразы паза Писательлер пірігізі 6 июньда 19.00 - 22.00 часта Ленин орамазында «Литература хараазы» акция иртірерлер.
Пу акция Орыс тілі кӱніне чарыдылча. Ол Литераторлар туразы алнындағы ачыхта паза тура істінде полар. Олғаннарға хакас ойыннарын поэт Галина Казачинова кӧзідер. Мындох аймах викториналар полар, саблығ орыс поэт Александр Пушкиннің чайаачызынаңар чоохтазарлар паза кибелістернi хығырарлар.
Андох Хакасия писательлерінін книгаларын садызып алар оңдай полар. Н.Г.Доможаковтың адынаң национальнай библиотеканың библиомобильі турар. Хакасияның Литераторлар туразы книгаларға хынчатхан кізілерні пу пайрамға хығырча.
Автор :
"Хабар"
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы