РОССИЯ ФУТБОЛНАҢ "АҒЫРЫБЫСТЫ"
19.06.2018
Хабарлар
Ағбандағы кӧрiгҷiлер кафеде
саннаң чиңіс тутхан - Россия -Саудовскай Аравия - 5:0. Трибуналарда ойынны Владимир Путин, Джанни Инфантино паза Саудовскай Аравияның принці (ады-солазы узун, аны сағыста тут полбаам) ӱзӧлең хада одырғаннар. Россияннар гол кирібісселер, Путин холларын чаза тудыбысча (минің мында киреем чоғыл тіпчеткен чіли), Инфантино, ікізінзер кӧріп, кӱлімзірепче, принц - улуғ пичелде.
Мындағ улуғ саннаң тоозылған ойын кӧрігӌілерге ідӧк улуғ ізеніс пирче. Че пазағы ойыннар улам сидік поларын прайзы чахсы пілче. Египеттің командазынаң тоғазығ амды ӧӧн ойынға айланча, анда хайдағ даа саннаң чиңіс тудылза, группадаң сығар оңдай холда поларӌых. ФИ-ФА-ның рейтингінде пістің команда 70-ӌы орында, Саудовскай Аравия даа пістің алныбыста турча. Группада Уругвайға прайзы азынада пастағы орынны пір дее ікінӌілес чох пирче.
Пістің республика устағӌылары, чоннаң хада полып, кӧрігӌілернең хада «ағырғаннар», гол кирілзе, ідӧк тура хонып, «ура-а-а!» хысхырысчатханнар. Олар республикадағы пасха прай пастыхтарға чоннаң хада-пірге тудынарға кирек полчатханын, аның кирексіністерін чахсы пілерге киректелчеткенін постарының кӧзідімінең кӧзітчелер.
Автор :
Николай СУЛТРЕКОВ
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы