«САХ» ААЛЛАРНЫҢ САНЫ ӦСЧЕ
20.06.2018
Хабарлар
ЯКУТИЯ. Пу кӱннерде регионның парламенті тӧрт аалда араға садарға чарадылбинчатханнаңар закон алған. Андағ оңдайнаң республикада «сах» аалларның саны 182 полча.
Чонны хазых чуртасха кӧніктірер пӧгіннең 2015 чылда Якутияда чӧрім пасталған. Аны хоостыра кічіг аалларда араға садарын тохтатханнар. Че законны тузаланысха кирер алнында ӱлгӱлер ол аалның чуртағӌылары аразында сурастырығ иртіргеннер.
Кӧбізі араға садиинаң тоғыр полза ла, ол чарадығ чуртасха кирілче. Пӱӱнгі кӱнде 31 аймахта «сах» ааллар пар. Эксперттернің таниинаң, пу закон ӧӧнінде чииттерге теелер. Улуғларны ӱгредерге орай, олар, кирек полза, улуғ городтарда араға садызып аларлар. Че ӧсчеткен тӧл хай-хай хазых полар паза іскее тартылбас тіп ізеніс пар. Чӧрімнің салтарларынаңар чоохтаза, 2018 чылның пастағы тӧрт ай аразына изірікте иткен сайбағларның саны 8,5 %-ке хызырылған.
Автор :
Российская газета
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде